Skip to main content

FAQs

Below you can find the answer to your question.
If you are searching in your language and you are not getting any results, please try in English. The content may not yet be translated.

Couldn't find the answer? Please try our AI assistant or contact us.

Bíonn líon ard iarratas i gceist le próiseas roghnúchán na mball foirne ar conradh. Mar sin féin, ní chuireann na seirbhísí earcaíochta ar an ngearrliosta (i.e. ní réamhroghnaíonn siad) ach na hiarrthóirí is fearr a n-oireann a bpróifíl dá riachtanais earcaíochta shonracha ag am ar leith.

Murar réamhroghnaíodh thú, ciallaíonn sé nach raibh do phróifíl ar na próifílí a roghnaíodh don riachtanas earcaíochta áirithe sin. D’fhéadfaí thú a chur san áireamh amach anseo má tá do phróifíl ag teacht le riachtanais earcaíochta eile.

Comórtais oscailte do bhaill foirne bhuana

Má fhaigheann tú marc níos airde sna trialacha roghnúcháin le haghaidh comórtais oscailte, d’fhéadfadh sé gur mhó an seans go gcuirfí leis an bpainéal thú, ós rud é gur ar bhonn a bhfeidhmíochta agus rialacha an chomórtais a roghnaítear na hiarrthóirí.

A luaithe a chuirfear leis an bpainéal thú, áfach, is iad institiúidí an Aontais a dhéanann na cinntí earcaíochta, bunaithe ar a riachtanais agus ar phróifíl an iarrthóra, seachas ar mharcanna trialacha ná ar rangú.

Próisis roghnúcháin na mball foirne ar conradh

Ní hamhlaidh. I bpróisis roghnúcháin le haghaidh baill foirne ar conradh, ní féidir le seirbhísí earcaíochta a fheiceáil ach ar éirigh nó nár éirigh le hiarrthóirí i dtrialacha roghnúcháin EPSO. Níl na marcanna aonair le feiceáil ná ní bhíonn tionchar acu ar chinntí earcaíochta.

Comórtais oscailte do bhaill foirne bhuana

Má ghnóthaíonn tú pas i dtrialacha roghnúcháin EPSO i gcomórtas oscailte, is féidir go gcuirfear le painéal thú. Ní hionann d’ainm a bheith ar phainéal agus é a bheith ina scéal cinnte go bhfaighidh tú tairiscint poist, ach d’fhéadfadh institiúidí an Aontais Eorpaigh do phróifíl a mheas chun tú a earcú.

Is ar riachtanais na n-institiúidí a bhraitheann bailíocht agus úsáid na bpainéal.

Próisis roghnúcháin na mball foirne ar conradh

Má éiríonn leat i dtrialacha réasúnaíochta EPSO le haghaidh próiseas roghnúcháin do bhaill foirne ar conradh, d’fhéadfadh seirbhís earcaíochta cuireadh a thabhairt duit chun agallaimh agus/nó trialacha breise earcaíochta.

Beidh do thorthaí trialacha bailí go ceann 10 mbliana ón dáta a fhoilseofar i do chuntas EPSO iad.

Beidh siad bailí don ghrúpa feidhme dá ndearna tú na trialacha, agus d’aon ghrúpa feidhme níos ísle ná sin.

Mura n-éireoidh leat i dtrialacha réasúnaíochta EPSO le haghaidh próiseas roghnúcháin do bhaill foirne ar conradh, ní mór duit fanacht 4 mhí sular féidir cuireadh a thabhairt duit an athuair le haghaidh an ghrúpa feidhme chéanna nó grúpa feidhme níos airde.

Le linn na 4 mhí sin, d’fhéadfaí cuireadh chun trialacha a thabhairt duit le haghaidh grúpa feidhme níos ísle.

Is ón dáta a rinne tú na trialacha a thosaíonn an tréimhse feithimh.

Tabhair do d’aire nach bhfuil sé d’oibleagáid ar na seirbhísí earcaíochta cuireadh a thabhairt d’iarrthóirí an athuair i ndiaidh na tréimhse feithimh.

Comórtais oscailte do bhaill foirne bhuana

Má ghnóthaíonn tú pas i dtrialacha roghnúcháin EPSO i gcomórtas oscailte, is féidir go gcuirfear le painéal thú.

Mura n-éiríonn leat i bpróiseas earcaíochta le hinstitiúid den Aontas Eorpach, fanfaidh tú ar an liosta agus d’fhéadfadh sé go ndéanfaí teagmháil leat le haghaidh deiseanna eile fad a bheidh an painéal bailí.

Próisis roghnúcháin na mball foirne ar conradh

Má éiríonn leat i dtrialacha EPSO don phróiseas roghnúcháin do bhaill foirne ar conradh ach nach n-éiríonn leat ag an gcéim earcaíochta, beidh do thorthaí trialacha EPSO bailí go ceann 10 mbliana ón dáta a fhoilseofar i do chuntas EPSO iad.

Ciallaíonn sé sin go bhféadfadh an tseirbhís earcaíochta chéanna nó seirbhís earcaíochta eile cuireadh a thabhairt duit chun trialacha earcaíochta eile a dhéanamh.

Is féidir. I bpróisis roghnúcháin do bhaill foirne a conradh, is féidir thú a réamhroghnú (a chur ar ghearrliosta) le haghaidh níos mó ná próifíl/grúpa feidhme amháin.

Má réamhroghnaíonn seirbhísí earcaíochta éagsúla thú níos mó ná uair amháin don phróifíl chéanna laistigh den ghrúpa feidhme céanna, ní thabharfar cuireadh duit chun trialacha EPSO a dhéanamh ach aon uair amháin.

Má réamhroghnaítear thú le haghaidh próifílí éagsúla agus/nó grúpaí feidhme éagsúla, tabharfar cuireadh duit chun na trialacha a dhéanamh san ord ina bhfaighidh EPSO na hiarrataí ó na seirbhísí earcaíochta.

Ní féidir leis na seirbhísí earcaíochta, ná iarrthóirí ná EPSO tionchar a imirt ar an ord ina bpróiseáiltear iarrataí ar thrialacha.

Is trí chomórtais oscailte a roghnaíonn institiúidí an Aontais Eorpaigh iarrthóirí do bhuanchonarthaí. Bíonn tástálacha agus cleachtaí measúnaithe ann atá ceaptha do scileanna gairmiúla agus príomhinniúlachtaí ar leith a thomhas. I ngeall ar an líon mór iarrthóirí a chláraíonn do na comórtais, is é seo an próiséas roghnúcháin is cothroime agus is trédhearcaí dá bhfuil ann. Ní ghlactar le hiarratais spontáineacha, dá bhrí sin.

Is trí chomórtais oscailte a eagrú a roghnaíonn institiúidí an Aontais Eorpaigh iarrthóirí ar chonarthaí buana. Fógraítear gach ceann de na comórtais sin trí fhógra comórtais a fhoilsiú in Iris Oifigiúil an Aontais Eorpaigh, agus ar shuíomh gréasáin EPSO. San fhógra comórtais, tá cur síos iomlán ar an bpróifíl atá á lorg, ar na bunriachtanais oideachais, (agus in amanna an taithí oibre) agus tá léiriú ann ar na trialacha agus ar na cleachtaí measúnaithe (atá ceaptha chun d’inniúlachtaí gairmiúla agus príomhinniúlachtaí áirithe a mheas) a bheidh ar siúl le linn an chomórtais. Tá eolas agus treoracha san fhógra comórtais freisin faoi conas iarratas a dhéanamh ar an gcomórtas oscailte. De ghnáth, foilsítear an fógra comórtais ar an gcéad lá den tréimhse iarratais.

I ngeall ar an líon mór iarrthóirí a chuireann isteach ar na comórtais, measann EPSO gurb é sin an dóigh is cothroime agus is trédhearcaí dá bhfuil ann le hiarrthóirí a roghnú. Ní chuirfear iarratais gan choinne san áireamh mar sin.

Tá bord roghnúcháin dá chuid féin ag gach próiseas roghnúcháin (comórtas) d’oifigigh bhuana an Aontais. Oifigigh ó institiúidí agus ó chomhlachtaí an Aontais Eorpaigh a ndéanann EPSO fónamh dóibh atá ar gach bord roghnúcháin. Tagann oifigigh isteach sa bhord roghnúcháin ar bhonn deonach, tar éis glao tiomnaithe ar léiriú spéise. Ainmníonn a n-eagraíocht tionscnaimh comhaltaí an bhoird roghnúcháin go foirmiúil. Ní mór dóibh gan aon choinbhleacht leasa a bheith acu maidir lena gcomórtas chun go ndeimhneofar gur comhaltaí den bhord roghnúcháin iad.

Oifigigh de chuid an Aontais is ea comhaltaí an bhoird roghnúcháin a gceapann a n-eagraíocht tionscnaimh é chuig comórtas ar leith as an saineolas teicniúil nó teanga atá acu, mar shampla.

Cuirtear oiliúint ar chomhaltaí ainmnithe an bhoird roghnúcháin maidir le modheolaíochtaí roghnúcháin agus measúnaithe sula dtéann siad i mbun a ndualgas agus leanann siad de bheith ag fáil oiliúint agus treoir shonrach ó fhoireann síceolaithe EPSO le linn chéimeanna éagsúla a gcomórtais.

Is iad na boird roghnúcháin a chinneann deacracht na dtrialacha comórtais agus a fhaomhann a n-ábhar. Is iad a mheasann cé acu a chomhlíonann nó nach na gcomhlíonann na hiarrthóirí na critéir incháilitheachta shonracha, is iad a chuireann buanna na n-iarrthóirí i gcomparáid le chéile, agus is iad a roghnaíonn na hiarrthóirí is fearr i bhfianaise na gceanglas atá leagtha amach san fhógra comórtais. Tá imeachtaí na mbord roghnúcháin faoi rún agus éascaíonn EPSO a gcuid oibre.