Applika għall-kompetizzjoni tal-ġestjoni tad-data (AST3)

Bħala assistent, il-kompiti tiegħek jiddependu mill-qasam li tagħżel u jistgħu jinkludu:

Proċessar tad-data, analitika u statistika 

• L-identifikazzjoni, il-ġbir u t-tħejjija ta’ data minn diversi sorsi (amministrattivi, stħarriġ, ġeospazjali, diġitali/web u settijiet ta’ data strutturati u mhux strutturati kbar oħra, miżmuma kemm pubblikament kif ukoll privatament).
• L-appoġġ għall-iskambji tad-data u tal-metadata mal-Istati Membri u ma’ entitajiet u partijiet ikkonċernati oħra, inkluż permezz ta’ kontrolli tal-format, regoli ta’ validazzjoni u konformità mal-istandards miftiehma.
• Il-ġestjoni tal-kwalità tad-data, tal-metadata u tad-dokumentazzjoni, inklużi l-validazzjoni tad-data, id-dizzjunarji tad-data, ir-rekords tal-provenjenza u tal-ipproċessar, l-iżgurar tat-traċċabbiltà, tar-riproduċibbiltà u tat-trasparenza.
• Il-produzzjoni u l-validazzjoni tad-data, inklużi l-outputs statistiċi, id-dashboards, l-indikaturi, it-tabelli u l-viżwalizzazzjonijiet. 
• Il-ħolqien u ż-żamma ta’ viżwalizzazzjonijiet tad-data, inklużi infografika, dashboards u mapep interattivi, u l-kontribut għal rapporti, briefings, noti metodoloġiċi u l-komunikazzjoni tal-kwalità tad-data.
• Il-kontribut għall-analitika tad-data u għall-attivitajiet tax-xjenza tad-data, inkluż permezz ta’ skripts u mistoqsijiet, awtomatizzazzjoni tal-proċessi, metodi statistiċi, tagħlim awtomatiku u għodod relatati mal-IA, filwaqt li jiġu applikati l-protezzjoni tad-data, il-kunfidenzjalità u s-salvagwardji taċ-ċibersigurtà.

Studji bibljotekarji u xjenza tal-informazzjoni

• L-ikkatalogar, il-klassifikazzjoni u ż-żamma ta’ riżorsi ta’ informazzjoni elettronika u fiżika.
• Il-ġestjoni ta’ kollezzjonijiet ta’ libreriji, riżorsi ta’ informazzjoni u riżorsi elettroniċi.
• L-appoġġ lill-utenti biex isibu l-informazzjoni u jwettqu tfittxijiet bibljografiċi.
• Il-manutenzjoni ta’ sistemi ta’ ġestjoni tal-libreriji u software relatat ieħor.
• L-appoġġ għar-riċerka permezz ta’ reviżjonijiet tal-letteratura, tfittxijiet, biblijografiji u gwidi tas-suġġetti.
• Il-promozzjoni tas-servizzi tal-librerija u tal-informazzjoni u l-appoġġ għat-taħriġ u l-involviment tal-utenti.

Ġestjoni tar-rekords u tal-arkivji

• L-appoġġ għall-iżvilupp u l-implimentazzjoni ta’ politiki għall-ġestjoni tar-rekords u l-arkivji.
• Il-ħolqien u ż-żamma ta’ rekords u kontrolli tal-arkivji, inklużi skemi ta’ klassifikazzjoni u metadata u awtoritajiet tad-dispożizzjoni.
• Il-ġestjoni tar-rekords u l-arkivji matul iċ-ċiklu tal-ħajja tagħhom, inklużi l-kurazija u l-preservazzjoni diġitali.
• L-għoti ta’ appoġġ fid-definizzjoni tar-rekwiżiti tekniċi għas-sistemi tal-IT għall-ġestjoni tar-rekords u/jew tal-arkivji.
• Il-kontribut għall-iżgurar tas-sigurtà tar-rekords fil-media kollha permezz tal-ġestjoni tar-riskju tal-ambjenti tal-ħżin u l-ippjanar tal-kontinwità tan-negozju.
• L-għoti ta’ assistenza u gwida lill-persunal dwar il-ġestjoni tar-rekords u tal-arkivji.

Id-dmirijiet imsemmijin hawn fuq mhumiex komprensivi. Informazzjoni dettaljata hija disponibbli fl-Avviż tal-Kompetizzjoni, li jista’ jinstab fil-paġna tal-applikazzjoni billi tikklikkja l-buttuna “Ibda” hawn taħt.

Biex tapplika għall-kompetizzjoni tal-Ġestjoni tad-Data (AST3), trid tissodisfa r-rekwiżiti li ġejjin:

• Tkun ċittadin tal-UE u tgawdi d-drittijiet kollha ta’ ċittadin tal-UE. 

   

• Ikollok għarfien sħiħ ta’ waħda mil-lingwi uffiċjali tal-UE (Livell C1) u għarfien sodisfaċenti ta’ lingwa uffiċjali oħra tal-UE (Livell B2). 

• Irid ikollok ukoll:

  • livell ta’ edukazzjoni postsekondarja ta’ mill-inqas sentejn, iċċertifikat b’diploma rilevanti fil-qasam magħżul, segwit minn mill-inqas tliet snin ta’ esperjenza professjonali rilevanti;

    jew

  • livell ta’ edukazzjoni sekondarja ċċertifikat b’diploma li jagħti aċċess għal edukazzjoni postsekondarja, segwit minn mill-anqas 6 snin ta’ esperjenza professjonali rilevanti.

Ir-rekwiżiti eżatti jvarjaw skont il-qasam. Il-kandidati jridu jikkonsultaw l-Avviż tal-Kompetizzjoni għad-dettalji kollha.

Il-proċess tal-għażla għall-kompetizzjoni dwar il-ġestjoni tad-data (AST3) jinkludi testijiet ta’ raġunament online (raġunament verbali, numeriku u astratt), test relatat mal-qasam, u komponiment dwar kwistjonijiet tal-UE. It-testijiet kollha x’aktarx li jsiru fl-istess jum. 

Il-kandidati jistgħu jagħżlu kwalunkwe tnejn mill-24 lingwa uffiċjali tal-UE għall-ittestjar.

L-informazzjoni kollha dwar id-dati tat-testijiet, il-materjali u r-riżultati se tiġi ppubblikata fil-paġna tal-kompetizzjoni u kkomunikata lill-kandidati permezz tal-Portal tal-Kandidati, ladarba tiġi kkonfermata.

Aktar dettalji huma disponibbli fl-Avviż tal-Kompetizzjoni, li l-kandidati kollha jridu jaqraw bir-reqqa. 

Il-kandidati li jirnexxu fil-proċess tal-għażla jitqiegħdu f’lista ta’ riżerva. 

Ladarba jkunu fuq lista ta’ riżerva, il-kandidati magħżula jistgħu jiġu kkuntattjati mis-servizzi ta’ reklutaġġ tal-istituzzjonijiet u l-korpi tal-UE interessati fil-profil tagħhom, jew jistgħu japplikaw b’mod proattiv għal postijiet vakanti ppubblikati. Jekk jintgħażlu, jistgħu jiġu mistiedna għal intervisti ta’ reklutaġġ immirati. Tali intervisti, u kwalunkwe proċedura relatata oħra, huma barra mill-proċess ta’ selezzjoni mwettaq mill-EPSO. L-intervisti ta’ reklutaġġ jitwettqu mis-servizzi ta’ reklutaġġ rilevanti normalment bl-Ingliż u/jew bil-Franċiż. Lingwi oħrajn jistgħu jintużaw ukoll matul l-intervisti, abbażi tal-ħtiġijiet tas-servizzi li jkunu qed jirreklutaw u l-għarfien espress mill-kandidati fl-applikazzjonijiet tagħhom.

As an employer, the institutions and bodies of the EU offer a community of expertise with a wide range of opportunities to broaden your personal and professional development. The multicultural, international and diverse teams that make up the EU Civil Service work together to benefit the lives of approximately 450 million EU citizens and beyond.

The EU institutions and bodies that EPSO works for, are committed to diversity and inclusion. They seek diversity actively and promote inclusion among their staff. EPSO therefore encourages applications from qualified candidates from diverse backgrounds and on the broadest possible geographical basis among the EU Member States. 
Learn more about Diversity & Inclusion in the EU institutions and bodies.