Kompetizzjonijiet miftuħa għal staff permanenti:
Ir-riżultati tat-testijiet tiegħek huma validi biss għall-kompetizzjoni speċifika li fiha għamilt it-testijiet.

Proċeduri ta’ selezzjoni għal persunal kuntrattwali:
F’ċerti kundizzjonijiet, ir-riżultati tat-testijiet tiegħek jistgħu jitqiesu fi proċeduri oħra ta’ selezzjoni għal persunal kuntrattwali.

Tista’ timla l-applikazzjoni tiegħek bi kwalunkwe waħda mill-24 lingwa uffiċjali tal-UE.

Il-formola ta’ applikazzjoni kollha tiegħek se tiġi aċċessata minn Bord tal-Għażla (matul il-kompetizzjoni) u mis-servizzi tal-HR tal-Istituzzjonijiet Ewropej (għar-reklutaġġ f’każ li tkun kandidat magħżul) li, kif ġie spjegat hawn fuq, jaħdmu b’numru limitat ta’ lingwi veikolari.

F’każ li tirnexxi fil-kompetizzjoni u ismek jitqiegħed fuq il-lista ta’ riżerva, tintalab tipprovdi traduzzjoni tal-formola tal-applikazzjoni fil-lingwa 2 tiegħek (magħżula minn fost il-5 lingwi offruti) lis-servizzi ta’ reklutaġġ jekk tkun użajt lingwa oħra biex timla l-formola tal-applikazzjoni.

Ikollok tistenna sal-aħħar tal-ewwel fażi tar-reġistrazzjoni biex tiġbor id-dejta mill-applikazzjonijiet kollha qabel ma tfassal lista tal-lingwi li huma frekwentement l-aktar iddikjarati mill-kandidati. L-istatistika minn kompetizzjonijiet preċedenti mhix rilevanti għax din id-dejta hi preġudikata mill-fatt li l-Ingliż, il-Franċiż jew il-Ġermaniż kienu mandatarji.

Madankollu, tista’ tikkonsulta r-rapport Ewropew dwar il-lingwi magħrufin u użati l-aktar, li jista’ jipprovdi linji gwida iżda ebda garanzija. Barra minn hekk, huma l-istituzzjonijiet li jivvaliditaw il-ħames lingwi proposti minn EPSO abbażi tad-dejta estratta mill-applikazzjonijiet fit-tmiem tal-ewwel fażi tar-reġistrazzjoni.

Staff permanenti - kompetizzjonijiet miftuħin:

Trid tipprovdi dokumenti ta’ sostenn biex tikkonferma l-informazzjoni ddikjarata fl-applikazzjoni tiegħek (identità, edukazzjoni, u esperjenza professjonali), kif ġej:

1. Identità: Trid tipprovdi kopja tal-karta tal-identità jew tal-passaport validu tiegħek.

2. Edukazzjoni u kwalifiki: 

• Applowdja d-diploma sekondarja tiegħek (għall-kompetizzjonijiet AST-SC / AST) jew d-diploma postsekondarja tiegħek (għall-kompetizzjonijiet AST u AD) flimkien mal-lista tal-korsijiet li segwejt.
• Kun ċert li tinkludi d-diploma li tagħtik aċċess għall-kompetizzjoni kif meħtieġ fl-Avviż tal-Kompetizzjoni, il-punt 3.3. “Kundizzjonijiet speċifiċi — kwalifiki u esperjenza ta’ xogħol” u li ismek, it-timbri, il-firem u n-numri tas-serje tiegħek (jekk applikabbli) huma viżibbli.   

• Żid prova ta’ kwalunkwe traineeship u taħriġ rilevanti, dment li jikkontrbwixxu għall-issodisfar tar-rekwiżit ta’ eliġibilità (jekk jogħġbok irreferi għall-Avviż tal-kompetizzjoni).

  Lawrji, diplomi u/jew ċertifikati, kemm jekk maħruġa f’pajjiżi tal-UE kif ukoll f’pajjiżi mhux tal-UE, iridu jiġu rikonoxxuti minn awtorità kompetenti ta’ Stat Membru tal-UE. 
  Ara wkoll: Taċċettaw il-kwalifika/id-diploma tiegħi maħruġa f’pajjiżi mhux tal-UE?

3. Esperjenza professjonali:

Trid tipprovdi dokumenti li juru n-natura tad-dmirijiet tiegħek u t-tul ta’ żmien tal-esperjenza tiegħek. Perjodi ta’ esperjenza professjonali li mhumiex appoġġjati minn deskrizzjoni tal-impjieg ma jitqisux mill-Bord ta’ Selezzjoni. Jekk jogħġbok innota li mhi meħtieġa l-ebda esperjenza professjonali għall-kompetizzjoni tal-amministraturi tal-gradwati (AD5).

Hawn taħt hawn xi eżempji tat-tip ta’ dokumenti li l-kandidati għandhom jipprovdu:

3.1: Għal xogħol b’salarju: 

• Dokumenti mill-impjegatur(i) attwali u preċedenti li jiddikjaraw in-natura u l-livell tad-dmirijiet imwettqin bħal ittri mis-superjur ġerarkiku, rapporti ta’ evalwazzjoni li jiddeskrivu l-kompiti tiegħek, deskrizzjonijiet tax-xogħol ipprovduti mill-impjegatur tiegħek, kuntratti inklużi deskrizzjonijiet dettaljati tad-dmirijiet imwettqin.
• Kuntratt(i) ta’ impjieg bid-data tal-bidu u tat-tmiem, jew l-ewwel u l-aħħar dikjarazzjonijiet tal-paga.

Id-dokumenti kollha jridu jkunu datati, jinkludu ismek u jkollhom l-intestatura uffiċjali tal-kumpanija, it-timbru, kif ukoll l-isem u l-firma tal-persuna responsabbli.

3.2: Għal dawk li jaħdmu għal rashom / professjonijiet liberi: 

• Fatturi, kuntratti, formoli tal-ordni  
• Korrispondenza bl-email
• Minuti tal-laqgħat
• Dokumenti tat-taxxa
• Prova ta’ sħubija f’assoċjazzjoni professjonali

Informazzjoni importanti

• Id-dokumenti ta’ sostenn jistgħu jiġu sottomessi fi kwalunkwe waħda mill-24 lingwa uffiċjali tal-UE, u jridu jiġġustifikaw l-informazzjoni pprovduta fil-formola tal-applikazzjoni tiegħek. Kull entrata tas-CV tiegħek (edukazzjoni, esperjenza professjonali) trid tkun appoġġjata mid-dokumenti rilevanti; inkella ma tiġix ikkunsidrata. 
• Hi r-responsabbiltà tal-kandidati li jipprovdu lill-Bord ta’ Selezzjoni bl-informazzjoni u d-dokumenti kollha meħtieġa biex jivverifikaw li jissodisfaw il-kundizzjonijiet stabbiliti fl-avviż tal-kompetizzjoni.
• Jekk tonqos milli tipprovdi biżżejjed evidenza dokumentarja sal-iskadenza indikata fl-Avviż tal-Kompetizzjoni, tista’ titqies bħala mhux eliġibbli u eskluż mill-kompetizzjoni. 
• B’mod ġenerali, mhu meħtieġ l-ebda dokument ta’ sostenn biex jiġi ppruvat l-għarfien lingwistiku (jekk jogħġbok iċċekkja l-Avviż tal-Kompetizzjoni għall-eċċezzjonijiet). 
• Il-kandidati jistgħu jiġu kkuntattjati permezz ta’ email biex jipprovdu informazzjoni jew dokumenti addizzjonali marbuta ma’ diploma jew esperjenza professjonali partikolari, f’każ li jkunu meħtieġa.

Kun ċert li tipprovdi d-dokumenti kollha li għandek għad-dispożizzjoni tiegħek u li int intitolat li tixxerja. Id-dokumenti tiegħek se jiġu ttrattati f’konformità mal-istqarrija ta’ privatezza tagħna.

Għal aktar informazzjoni, jekk jogħġbok iċċekkja l-Avviż tal-Kompetizzjoni, b’mod partikolari t-taqsima “Dokumenti ta’ sostenn” u t-taqsima Eliġibbiltà.

Proċeduri ta’ selezzjoni tal-istaff kuntrattwali

Il-kandidati għall-proċeduri ta’ selezzjoni tal-istaff kuntrattwali ma jistgħux japplowdjaw id-dokumenti ta’ sostenn mal-applikazzjoni/jiet tagħhom fil-profil tal-EPSO tagħhom. 

Id-dokumenti ta’ sostenn se jintalbu fl-istadju tat-testijiet ta’ reklutaġġ u/jew qabel ir-reklutaġġ mis-servizzi ta’ reklutaġġ.

Il-kandidati jridu jkunu kapaċi jipprovdu dokumenti li jappoġġjaw l-informazzjoni ddikjarata fil-formola tal-applikazzjoni tagħhom (kwalifiki, esperjenza professjonali, eċċ.). Is-servizzi ta’ reklutaġġ se jinfurmaw lill-kandidati dwar liema dokumenti jridu jiġu pprovduti (kopji jew oriġinali) u sa meta.

L-EPSO ma jistax jipprovdi informazzjoni dwar ir-regoli speċifiċi applikati mis-servizzi ta’ reklutaġġ individwali. L-informazzjoni ta’ hawn taħt hija pprovduta għal skopijiet illustrattivi biss.

1. Identità: Trid tipprovdi kopja tal-karta tal-identità jew tal-passaport validu tiegħek.

2. Edukazzjoni u kwalifiki - Trid tipprovdi:

• Kopji ta’ diplomi u/jew ċertifikati ta’ taħriġ li jagħtu prova ta’ kwalifiki edukattivi 
• Għal diplomi jew ċertifikati maħruġa barra mill-UE: dikjarazzjoni ta’ ekwivalenza maħruġa minn awtorità kompetenti ta’ Stat Membru tal-UE

3. Esperjenza professjonali

Il-perjodi kollha ta’ attività professjonali jridu jkunu koperti minn dokumenti oriġinali jew iċċertifikati tad-dokumenti li ġejjin:

3.1: Għal xogħol b’salarju: 

 Dokumenti mill-impjegatur(i) attwali u preċedenti li jiddikjaraw in-natura u l-livell tad-dmirijiet imwettqin bħal ittri mis-superjur ġerarkiku, rapporti ta’ evalwazzjoni li jiddeskrivu l-kompiti tiegħek, deskrizzjonijiet tax-xogħol ipprovduti mill-impjegatur tiegħek, kuntratti inklużi deskrizzjonijiet dettaljati tad-dmirijiet imwettqin. 

                 Kuntratt(i) ta’ impjieg bid-data tal-bidu u tat-tmiem, jew l-ewwel u l-aħħar dikjarazzjonijiet tal-paga.

Id-dokumenti kollha jridu jkunu datati, jinkludu ismek u jkollhom l-intestatura uffiċjali tal-kumpanija, it-timbru, kif ukoll l-isem u l-firma tal-persuna responsabbli.

3.2: Għal dawk li jaħdmu għal rashom / professjonijiet liberi: 

• Fatturi, kuntratti, formoli tal-ordni  
• Korrispondenza bl-email
• Minuti tal-laqgħat
• Dokumenti tat-taxxa
• Prova ta’ sħubija f’assoċjazzjoni professjonali

3.3: Għal tradutturi freelance: Dokumenti li jiċċertifikaw il-perjodi ta’ ħin maħduma u l-għadd ta’ paġni tradotti

3.4: Għal interpreti freelance: Dokumenti li jiċċertifikaw in-numru ta’ jiem maħduma, u l-lingwi interpretati minnhom u lejhom.

It-testijiet online jirrikjedu li kuntrattur estern parti terza jieħu l-kontroll tal-kompjuter tiegħek waqt li tagħmel it-test. Fost affarijiet oħrajn, dan jimpedixxi lill-kandidati milli jibbrawżjaw l-internet jew milli jkollhom applikazzjonijiet miftuħin li jkunu barra mill-ambitu tat-testijiet.

Sabiex it-testijiet ta’ selezzjoni online jkunu jistgħu jsiru fuq kompjuter korporattiv — inklużi dawk disponibbli għall-istaff tal-klijenti istituzzjonali tal-EPSO (eż. il-Kummissjoni Ewropea, il-Parlament Ewropew, il-Kunsill tal-UE u oħrajn) — il-kontrolli multipli tas-sigurtà jkollhom jiġu diżattivati, jintgħamlu inqas stretti jew jinbidlu minn amministratur awtorizzat.

Partijiet konċernati korporattivi jridu jiżguraw li r-riskji għall-ambjent diġitali tagħhom jiġu minimizzati u huwa għalhekk li l-kandidati normalment ma jistgħux jużaw il-kompjuter korporattiv tagħhom għat-testijiet b’inviġilazzjoni mill-bogħod.

Il-kandidati jistgħu jimlew il-formola tal-applikazzjoni tagħhom bi kwalunkwe waħda mill-24 lingwa uffiċjali tal-UE.

Bħala regola ġenerali, il-kandidati jridu jkunu kisbu l-kwalifiki minimi tad-dħul speċifikati fl-Avviż tal-Kompetizzjoni jew fis-Sejħa għal Espressjoni ta’ Interess sal-iskadenza tal-applikazzjoni. Il-kwalifiki mogħtija wara din id-data ma jiġux ikkunsidrati.

Madankollu, bħala eċċezzjoni, għall-kompetizzjoni EPSO/AD/427/26 (Amministraturi Gradwati – AD5), il-kandidati jrid ikollhom livell ta’ edukazzjoni li jikkorrispondi għal studji universitarji mitmuma ta’ mill-inqas 3 snin, iċċertifikati b’diploma, li l-għoti tiegħu irid ikun ġie deċiż mhux aktar tard mit-30 ta’ Settembru 2026, irrispettivament mill-iskadenza tal-applikazzjoni. Jekk jogħġbok ara l-Anness III tal-Avviż tal-Kompetizzjoni għal eżempji ta’ kwalifiki minimi.

Il-kandidati li jirreġistraw għall-proċeduri ta’ selezzjoni tal-persunal kuntrattwali ma jistgħux jillinkjaw id-dokumenti ta’ sostenn mal-applikazzjoni(jiet) tagħhom. 

Is-servizzi ta’ reklutaġġ se jinfurmaw lill-kandidati meta għandhom jissottomettu d-dokumenti li jappoġġaw id-dikjarazzjonijiet li jkunu għamlu fil-formola tal-applikazzjoni tagħhom. 

Is-servizzi ta’ reklutaġġ se jiddeterminaw liema dokumenti huma aċċettabbli.

Il-kundizzjonijiet tax-xogħol għall-istaff tal-UE huma stabbiliti fir-Regolamenti tal-Persunal tal-UE.

Il-kundizzjonijiet tax-xogħol jistgħu jvarjaw skont l-istituzzjoni jew il-korp tal-UE. Għal regoli speċifiċi jew informazzjoni addizzjonali, il-kandidati jingħataw il-parir li jikkonsultaw is-servizzi rilevanti tar-Riżorsi Umani.

Ara l-livelli tas-salarji u l-progressjoni (aġġornati fil-11.4.2025) għal aktar informazzjoni dwar is-salarji.

Tista’ titlob aġġustamenti speċjali għat-testijiet ta’ selezzjoni tal-Persunal bil-kuntratt (CAST P) billi timmarka l-kaxxa “rekwiżiti speċjali” fil-formola tal-applikazzjoni tiegħek. Se tintalab ukoll timla formola ta’ informazzjoni dwar il-ħtiġijiet speċjali tiegħek u tipprovdi dokumenti ta’ sostenn rilevanti.

Jekk tingħata arranġamenti raġonevoli għat-testijiet organizzati mill-EPSO, se jingħatawlek id-dettalji qabel id-data tat-test tiegħek. Xi drabi, l-arranġament ta’ dawn l-aġġustamenti jista’ jdewwem it-test tiegħek għall-perjodu li jmiss, u se tiġi infurmat kif xieraq. L-EPSO jiżgura li l-kandidati preselezzjonati (fil-lista preliminari) kollha jiġu mistiedna u ttestjati fl-aħjar kundizzjonijiet possibbli.

Nota: It-testijiet ta’ reklutaġġ jiġu organizzati mis-servizzi ta’ reklutaġġ. Jekk teħtieġ aġġustamenti għal dawn, ikkuntattja lir-reklutatur malli tirċievi l-istedina tiegħek għat-test. L-EPSO mhux se jaqsam il-kundizzjoni jew il-ħtiġijiet tiegħek mar-reklutaturi.