Tá ceisteanna samplacha agus ábhair threoracha le fáil sa rannán ‘Trialacha EPSO’ dár suíomh gréasáin. Tabhair do d’aire gur ar mhaithe le heolas a chuirtear na samplaí sin ar fáil, agus nach ábhair oiliúna iad. Ní chuireann EPSO cúrsaí ullmhúcháin ar fáil ná ní fhormheasann sé aon fhoilseachán seachtrach ná seirbhís oiliúna. Féadfaidh cuid de na Ballstáit den Aontas tacaíocht nó oiliúint a thairiscint d’iarrthóirí. Chun a fháil amach an ann do dheiseanna den sórt sin i do thír féin, déan teagmháil leis na húdaráis náisiúnta ábhartha go díreach.

I gcás comórtais oscailte, bíonn eolas mionsonraithe faoi na trialacha le fáil san fhógra comórtais.

Thart ar 2 mhí roimh dháta an tseisiúin trialacha atá i gceist, foilseofar tagairtí ar shuíomh gréasáin EPSO do na bunábhair a úsáidtear chun an Triail Eolais faoin Aontas Eorpach a fhorbairt.

Féach freisin: Trialacha EPSO - Céimithe AD 5

Is féidir le hiarrthóirí na trialacha a dhéanamh ó áit ar bith ar domhan ar choinníoll go gcloíonn an timpeallacht ina bhfuil siad leis na ceanglais atá leagtha amach sna treoracha maidir le tástáil ar líne.

Tabhair do d’aire nach féidir amanna na dtrialacha a athrú, mar sin d’fhéadfadh sé go mbeadh ar iarrthóirí i gcriosanna ama éagsúla na trialacha a dhéanamh le linn na hoíche.

Chomh maith leis sin, ní mór d’iarrthóirí i gcriosanna ama eile a chinntiú go bhfuil na socruithe dáta agus ama ar a ríomhaire ag teacht leis an gcrios ama ina bhfuil siad, ionas go dtaispeánfaidh an feidhmchlár TestWe uainiú ceart na dtrialacha.

I gcás phróisis roghnúcháin na mball foirne ar conradh:
Gheobhaidh tú an cuireadh na trialacha réasúnaíochta a dhéanamh i do chuntas EPSO thart ar choicís roimh dháta na dtrialacha.

I gcás comórtais oscailte do bhaill foirne bhuana:
Gheobhaidh tú an cuireadh na trialacha réasúnaíochta a dhéanamh i do chuntas ar Thairseach Aonair na nIarrthóirí thart ar 10 lá roimh dháta na dtrialacha.

Ní chaithfidh. Tabharfar cuireadh do gach iarrthóir na trialacha a dhéanamh an lá céanna agus ag an am céanna.

Foilseofar dáta agus am beacht na dtrialacha ar leathanach an chomórtais ábhartha a luaithe a bheidh an t-eolas sin ar fáil. Tabhair do d’aire nach féidir dáta ná am na dtrialacha a athrú.

In the context of EPSO’s selection procedures (competitions) a subject matter expert, or SME for short, is someone whose job is to participate in the process of creating certain types of written tests, such as field-related questionnaires.

SMEs are officials from the EU institutions and bodies served by EPSO. They take on this task for a limited period of time, in parallel with their usual work. Officials become SMEs on a voluntary basis, following a dedicated call for interest. They are nominated formally by their organisation of origin and must have a relevant profile in terms of knowledge or expertise in order to participate in the process of test development. They must have no conflict of interest as regards their competition in order to be confirmed as SMEs.

Nominated SMEs are trained by EPSO on test development methodologies before they take up their duties and continue to receive specific support from EPSO throughout their assignment.

Every test development process is analysed by EPSO’s team of psychologists in order to detect any possible bias. EPSO ensures that the process follows the agreed standards for large-scale selection procedures such as the ones organised by EPSO.

Féach an fógra comórtais nó an glao ar léiriú spéise a ghabhann leis an bpróiseas roghnúcháin a bhfuil tú páirteach ann más mian leat an líon ceisteanna, fad ama agus pasmharc na dtrialacha a fháil amach.

Is ar líne a reáchtáiltear gach triail EPSO. Féach Trialacha ar líne – Eolas riachtanach. Seoltar treoracha mionsonraithe le haghaidh na dtrialacha ar líne in éineacht leis an gcuireadh chun na dtrialacha trí chuntas na n-iarrthóirí.

Más rud é nach mian leat a thuilleadh na trialacha a dhéanamh, is amhlaidh is féidir leat a roghnú gan iad a dhéanamh.

I gcás próisis roghnúcháin do bhaill foirne ar conradh, ní dhéanfar difear do d’incháilitheacht má roghnaíonn tú gan na trialacha a dhéanamh, ná ní chuirfear bac ar d’iarratas.

D’fhéadfadh sé go réamhroghnódh na seirbhísí earcaíochta thú arís amach anseo.

Ní dhéanfar measúnú i dtrialacha EPSO ach ar do chuid eolais ar theanga 1 (T1), agus is féidir aon cheann de 24 theanga oifigiúla an Aontais Eorpaigh a roghnú mar theanga 1. Déanfar sin a thástáil trí na trialacha réasúnaíochta briathartha, uimhriúla agus teibí i bhfoirm ceisteanna ilrogha. Ní mór eolas a bheith agat ar T1 ar leibhéal C1 ar a laghad (úsáideoir cumasach).

Déanfaidh na seirbhísí earcaíochta do chuid eolais ar theanga 2 (T2) a thástáil (ar teanga í atá le roghnú as measc Béarla, Fraincise agus Gearmáinise ach nach ionann í agus T1). Ní mór eolas ar leibhéal B2 ar a laghad (úsáideoir neamhspleách) a bheith agat ar T2.

Tá tuilleadh eolais faoi na trialacha thuas foilsithe ar leathanach thrialacha EPSO.

Féadfaidh na seirbhísí earcaíochta trialacha breise teanga a eagrú.

Ní mór do chonraitheoir seachtrach tríú páirtí do ríomhaire a rialú agus tú ag déanamh na dtrialacha ar líne. I measc nithe eile, cuireann sé sin cosc ar iarrthóirí brabhsáil ar an idirlíon nó feidhmchláir eile a úsáid atá lasmuigh de raon na dtrialacha.

Chun go mbeifí in ann trialacha roghnúcháin ar líne a dhéanamh ar ríomhaire corparáideach – ina measc sin na ríomhairí a chuirtear ar fáil do bhaill foirne chliaint institiúideacha EPSO (e.g. an Coimisiún Eorpach, Parlaimint na hEorpa, Comhairle an Aontais Eorpaigh agus institiúidí eile) – bheadh ar riarthóir údaraithe an iliomad rialuithe slándála a dhíchumasú, a mhaolú nó a athrú.

Ní mór do pháirtithe leasmhara corparáideacha a chinntiú go n-íoslaghdaítear rioscaí dá dtimpeallacht dhigiteach, agus is é sin an fáth nach féidir le hiarrthóirí a ríomhaire corparáideach a úsáid de ghnáth le haghaidh trialacha ar a ndéantar feitheoireacht chianda.

Comórtais oscailte do bhaill foirne bhuana:
Níl do thorthaí trialacha bailí ach amháin don chomórtas sonrach ina ndearna tú na trialacha.

Próisis roghnúcháin na mball foirne ar conradh:
Faoi choinníollacha áirithe, féadfar do thorthaí trialacha a chur san áireamh i bpróisis roghnúcháin eile le haghaidh baill foirne ar conradh.

Is trí thrialacha ar líne a reáchtáiltear gach comórtas. Chuir EPSO tús leis an aistriú seo le linn na paindéime, agus ba dhíol sásaimh d’fhormhór mór na n-iarrthóirí an tsolúbthacht a cuireadh ar fáil leis.

Le trialacha ar líne trí chonraitheoir seachtrach EPSO, is féidir le hiarrthóirí na trialacha a dhéanamh ó chian go slán ar a ríomhaire féin.

Agus triail ar líne á déanamh acu, déantar monatóireacht leanúnach ar iarrthóirí trí úsáid a bhaint as uirlisí monatóireachta éagsúla, ina measc sin taifeadadh físe agus fuaime.

Is éard a shainítear sa chreat inniúlachtaí na hinniúlachtaí a mheastar a bheith riachtanach chun aon phost ar leith a dhéanamh go héifeachtach laistigh de na hinstitiúidí agus na comhlachtaí den Aontas Eorpach ar a bhfreastalaíonn EPSO.

Is é EPSO a dhéanann measúnú ar chuid de na hinniúlachtaí sin le linn chéim an roghnúcháin, agus is iad na hinstitiúidí agus na comhlachtaí den Aontas Eorpach a dhéanann measúnú ar an gcuid eile le linn chéim na hearcaíochta.

I gcás próifílí níos speisialaithe, lorgaíonn institiúidí an Aontais iarrthóirí atá ardcháilithe ina réimse saineolais.

Bíonn eolas le fáil i gcónaí san fhógra comórtais faoi na hinniúlachtaí réimse-shonracha, agus faoi na trialacha lena ndéantar na hinniúlachtaí ginearálta agus na hinniúlachtaí réimse-shonracha a mheas.

Féach na hinniúlachtaí ginearálta agus na hancairí a ghabhann leo (is iad na ‘hancairí’ na táscairí a chuirtear san áireamh agus measúnú á dhéanamh ar inniúlacht ar leith).

Is é príomhchuspóir thrialacha réasúnaíochta EPSO measúnú a dhéanamh ar na príomhinniúlachtaí réasúnaíochta is gá a bheith ag oifigigh de chuid an Aontais amach anseo, seachas an líon iarrthóirí a laghdú.

Is ar staidéir eolaíochta sheanbhunaithe atá na trialacha sin bunaithe agus tá luach ard tuarthach i gceist leo chun feidhmíocht na n-iarrthóirí sa phost amach anseo a thuar i gcomparáid le trialacha eolasbhunaithe amháin.

Cé nach dtugtar na ceisteanna céanna d’iarrthóirí sa chomórtas céanna, is ionann leibhéal deacrachta na dtrialacha a dhéanann gach iarrthóir, rud a chinntíonn go gcaitear go comhionann le gach duine.

Tá bailíocht agus iontaofacht na dtrialacha ilrogha ar ríomhaire dearbhaithe le cásdlí na Cúirte Breithiúnais, agus dhearbhaigh an Chúirt freisin go gcomhlíonann na trialacha sin prionsabal na córa comhionainne.

Ag an am céanna, le trialacha ar ríomhaire is féidir le EPSO measúnú a dhéanamh ar líon mór iarrthóirí laistigh de thréimhse ama an-ghearr ar bhealach éifeachtúil so-úsáidte.

Is í foireann síceolaithe saothair inmheánacha EPSO a fhorbraíonn trialacha EPSO go cúramach agus a dhéanann monatóireacht orthu, in éineacht le baill den bhord roghnúcháin a roghnaíodh go cúramach as measc na n-institiúidí den Aontas.

Déanann EPSO monatóireacht leanúnach ar na forbairtí agus na nuálaíochtaí is déanaí sa dearadh trialacha bunaithe ar thaighde eolaíoch, agus le blianta beaga anuas tá trialacha ar líne tugtha isteach aige ina phróisis roghnúcháin.